زمن العجايب
آه و آه يا زمن
فيك العجب عجايب
الوش يظهر بريء
و متخفي بالألوان
بلياتشو لكن لئيم
عامل فيها البدع
ممثل كبير محترف
لايق عليه الدور
شكله يبان طيب
و في قلبه غل و نار
يلف و في لفته
يسقي الجميع أحزان
يضحك و ورا ضحكته
يخبي ألف شيطان
يمد يده يسلم
و الغدر ليه عنوان
زي الحنش عضته
أبدا ماليه أمان
إنسان في زمن العجايب
لكن مهوش إنسان
يذل في الطبيين
و يِبكي في الغلبان
آه و آه يا زمن
ابكي كمان و كمان
بقلم محمد عدلي محمد
ليست هناك تعليقات:
إرسال تعليق