طشاش
============= بقلمى \ محمد العربى
صباحين و نسمة هوا
و رموشى كسكيته
و كلامكو ذيى الرصاص
بيعدى فى الجته
و الحلَه عاوزه الغطا
عالحاره و الحته
دنا لسه شايف طشاش
ياخواننا مش فتَه
و القلَه متزوَقه
و عطشانه للمايه
و انا قلبى م اللغبطه
واقع فى رجليَه
و ايديا متشعبطه
على حتتين لييا
و الحق عالجزار
اللى دبح فييا
صباحين و حبة دلع
عاللى خلع منَى
لو كنت راجل جدع
كنت اشتريت منَى
لبستنى المريله
و انت اللى متغمى
دلو قتى جاى تشتكى
يا خيبتك البنى
ليست هناك تعليقات:
إرسال تعليق