....قصيدة ميزان، العدل.....
يابلدنا الكفه ليه مالة
ميزان عدلك مايعدلهاش
والكوسه طايبه في، بلادنا
والسعريذيد، مايستناش
في قلوبنا الصرخه محبوسه
بتلف وترجع فيه، تتحاش
والمنصب مش واخد باله
والجوع متعافي، ومرحمناش
لوشوفنا جنيه، نعمل ليله
والصبح يطير مابيستناش
والعيشه عاشوها النبيشه
صبينا كاساتهم ماشربناش
وان روحت لبيه طالب حقك
ينطق بلغات مابنفهمهاش
ويقول ويعيد، بكلام فاضي
عايشنا احلام مابنحلمهاش
عايشين فيكي يابلدي، اغراب
حاسينك، غربه مانعرفهاش
واما الغلبان يطلب حقه
الهدمه في سوقه مايلبسهاش
حتي الفرحه عنه بتبعد
يوم عيده ياناس مابيفرحهاش
قاعد مشغول فكره بيسرح
كان ناوي يدوق طعم الجولاش
والبيه مبسوط قاعد يلهط
واللقمه تجيله لحده بلاش
من قوتنا بيصرف ويكايش
والجيب عمران ديما ماخلاش
لوشاف غلبان، داير وشه
ودموع، عينه، مابنذلهاش
والدنيا سفينه بتتمايل
قبطانها نساها ولسه مجاش
كوتشينا ودايره في بلدنا
شايب منجوس وولد قشاش
ماخلاص الدنيا بيروح خيرها
وفقير بيموت، انشاالله ماعاش
يابلدنا الكفه ليه مالة
وميزان، عدلك مابيعدلهاش
.................
كلماتي جمال زياد
ليست هناك تعليقات:
إرسال تعليق