صورة فيها إبتسامة
اْحمد صبري
-
صورة فيها إبتسامة
ذكرى عن حلم راح
ودعوة حلوة ياما
بتقول خلاص إرتاح
إرتاح من ويل ودموع
إرتاح من ليل موجوع
لاصوته كان مسموع
ملامحه شكل الجراح
-
صورة فيها إبتسامة
بتحكي عن اْسراره
عتاب حاضن ملامة
حزينة كمان اْشعاره
بيقولوا كان حزين
كان رمز للعاشقين
ضحكت عليه السنين
وادي نهاية مشواره
-
صورة فيها إبتسامة
عليها كتير قواضي
القاضي كتب غرامة
مدفوعة في الماضي
ولاكانش ليها دفاع
غير حبة الاْوجاع
لاْن مالهاش قناع
مرسومة ع الفاضي
-
صورة فيها إبتسامة
بريئة رافضة السكوت
كانت اْخر علامة
من الحياه للموت
صورة اْخيرة مشققة
فيها الاهات متزوقة
مرمية تحت المشنقة
وعليها ورق التوت
-
صورة فيها إبتسامة
اْحمد صبري
ليست هناك تعليقات:
إرسال تعليق