اسمعينى يا غاليه
متسألينيش عن حيرتى
وحسرتى وخوفى
وانتى اللى عارفه حكايتى
ومقدره ظروفى
عارفه إنى من كتر همى
كرهت إسمى وحروفى
شقيان على لقمتى ودمى
بقا حنه على كفوفى
تعبت كتير من الغربه وأنا
وسط أهلى وضيوفى
أنا مهموم على ناس جرحونى
ونكروا خيرى ومعروفى
متسأليش حد تعالى افتحى
صدرى كدا وشوفى
هتلاقى العجب جوايا والحزن
ساكن سهولى وكهوفى
هتسافرى فى صفحتى وتعملى
عمره وتحجى وتطوفى
ومستكتره دمعتى ونوحى
وأنا الآه بانطقها بالكوفى
باحسبك هتطبطبى عليا
وتشيلى المر من جوفى
أتريكى بتتسلى وعاملانى ضحكتك
ولا يهمك وسطى ولا طروفى
بقلمى
صبر ى عبارة
ليست هناك تعليقات:
إرسال تعليق