:::{مــــغـنــواتـــي} ........بقلم ....د/سمير فوزي عمر
********1*********
مغنواتي ياناس وجاي.....
ماحَد يسأل عن السبب
أحكي حكاوي واقول بناي
والكل يسمع الأدب
ماحَد منكم يقولي "هاي"....
ولا حتى عايز الرُطَب
كل اللي عايزة دعوة لسماي....
" يارب حالنا يتقلب.....
لا دمعي تاني يقولي "آآآآي".....
ولا ضهري تاني ينضرب"
دمع الغلابة فرشي وغطاي
ونوم عنيًا منٍي هرب
ما لاقي ليًا يانس شفاي
وشوف عنيًا كله اتقلب
الارض راكبة فوق سماي
كل اللي شايفه ياناس عجب
الكل طالب منٍي رِضاي
ولا حَد حابب ليًا طلب
ان قلت عايز يرجع صداي
ودمعه شايل كتير لهب
لا كلمة حُرًة ترحم بُكاي....
ولاغنوة فيها شيء طَرَب
كل اللي شايفه من غُناي
دموع بتسأل عن السبب
********2*********
كل اللي شايفه شيء عجيب
ولا حد شايفه بعَدلته
شَعر الوليد أبيض حليب
والشيخ بيصبغ جزمته
والبنت سايبه دار حبيب
غاوية عويل لرقصته
بقيت في داري شيء غريب
وغريب في داري سكنته
لا ليًا عارف مين طبيب
ولا قلبي عارف سكته
عدوٍي لابس توب حبيب
وحبيبي حابس كلمته
اللقمة ساكنة بطن ديب
جاعان وبطني لقمته
الشمس نايمة في ليل رهيب
وليلنا فارش فرشته
والفجر توبه من لهيب
والعين ماشايفة طلته
الدنيا لابسة توب كئيب
ماعمره بَيًن بسمته
*******3********
يارب لينا كُن مُجيب
وجيب لدمعي دعوته
بحق طه دا الحبيب
وبحق أهله وصحبته
رضاك علينا مايوم يغيب
ولا عنا تبعد نسمته
وخلى قلبي منك قريب
وقيد بنورك دقته
اهدي لي ولدي والحبيب...
تدوم في قلبي سكنته
يكون نصيبي منك حلبيب
يسقيني طه سقوته
اكون لجيرته دايما قريب
تسعد عنيًا برؤيته
................................"من ديواني ..........عامية سمير فوزي"
ليست هناك تعليقات:
إرسال تعليق