قلم...حمدى البسيونى
*شكوكو
مات زمان الضحك بعدك
حتى الابتسامه يتيمه بعدك
لامنولوج ولا افه من بعدك
حتى النكته بهتانه لبعدك
شكوكو
لفه الطربوش ولبس الارجوز
وشهقة الضحكه وضرب البوز
والحركه ومنديل ثومه كلوز
ولاحسينا فى يوم انت عجوز
شكوكو
ياما من الضحك خدنا علق
وانكرشنا لماكنا عملين قلق
وبرضه منبطل ضحك وانغلق
نروح للجيران نلقيهم فى قلق
شكوكو
يا ضحكه صافيه ومليت الدنيا حنان
لسه برضه بندور ونترحم عالزمان
كان الجو رايق وحاسس ومش ندمان
على اللى راح ولا من بكره زهقان
شكوكو
يرحم زمانك وايام الصبى وياك
كانت ثومه وطلب و حليم معاك
والناس كانو ناس ونس بهواك
راحو كلهم ونسينا الضحكه معاك
شكوكو
ليست هناك تعليقات:
إرسال تعليق