اتبديتى واتغيرى
============= بقلم احمد على فهيم
-------------------------------------------
بعد غياب سنين وهجره
راجع بقلبي حنين للذكره
راجع معايه كل اللى فاتنا لبكره
راجع باشتياقى للحب والعشره
فاتح ذراعى لحبيبى مشتاق
لاجل اضمو لصدرى بالاشوق
ويعرف اد ايه جرالى من الفراق
وانى ليه فى البعد كنت بشتاق
لكن كانت بعيونو نظره
انطفئ فيهم الاحساس
بدون كلام او حتى همسه
كتمت جوايه الانفاس
اتبدل جواها الحب ومات
واتبدلت الاحلام واوانها فات
ومشينا سوى وكان كلامنا سكات
فين همسها وعشقها للمسات
اد ايه كان جوايه ليكى كلمات
واد ايه بعاداتنا المسافات
من اجلك تركت الاهل والاصحاب
تركت كمان اللمه والاحباب
وهاجرة ليكى بدنيا من العذاب
راجع وكانى ليكى بقيت من الاغراب
وكان كل بركين الهوى بيكى انطفت
وكاْْن كل ينبيع الحنان جواكى جفت
واسراب الكلمات والمعانى منا نضبت
وصفحات بالماضى الجميل انطوت
له بعتى حلمى الصافئ بالسهل
جريتى وراء احلامك وايه كان المهر
له خنيتى زمان بكلام كعبير الزهر
ووعدينى بانك لى مهما عدى الدهر
دلواقت عرفت معنى الاوهام
دلواقت راح ما بينا الكلام
مش لقى شئ اقوله عن الاحلام
ولا حتى احساسى ليكى بالغرام
بعد ما نسيتى كل ما بنا من امانى
بعتينى وبعتى عصري وزمانى
فى دنياتى معاكى عشت احزانى
شوفى بالمال راح تعوضى حنانى
شوفى فين تلقى زاى انسان
اعطاكى الحب وحساسك بالامان
انا اديتك من القلب حنان
وسقيتك بايديه من الهنا الوان
اتبداتى واتغيرى راح بكره تندامى
على غلطتك لى وتتحسرى
روحى بطريق السهل هترجعى لى تسهرى
ولقلبي راح بكل الالم تتاْسفى
اتبداتى واتغيرى مش انا الخسران
انتى اللى هتندمى وقلبك هيجينى حيران
ليست هناك تعليقات:
إرسال تعليق