****** الحمولة واحد راكب ********
احمد حسن ابو الشيخ
. ********
و لما يجي الطوفان
مش هابقى فيك ِ نوح
مع ان نوح لو تعرفي
جدي أنا
عاش فيك ِ يدعي ألف عام
ميأسش يوم
إزاي تقولي باني يوم فيك ِ
راح أيأس أنا
عدّي باقي لك كم طاغوت
و كم قارون من غير تابوت
و كم هامان فوق الجنود
حكموكي بالنار و البارود
زالوا. . . و أنا..
لساي هنا بادعي عشانك
ربنا..
نجى العباد المؤمنين
الطيبين الطاهرين
المخلصين الصابرين
و يا رب ..نا
تحشرني وسطيهم
دأنا..
عبدك يا رب
ليست هناك تعليقات:
إرسال تعليق