إحنا هنا )
عارف إنت الصعب الممتنع
هو تمام اللى إحنا فيه
والله تعبنا
ياجدع
تصبح عقولكم فى الطاحونة
وماتباليش
والرمل يغلب والودع
صحصح لنا
وإصحى معانا
فوقلنا
إحنا هنا
إحنا هنا
هو إنتوا مين
وعايزين إيه
طب مننا
إحنا خيار المجتمع
والمجتمع ده
ملكنا
إحنا الملوك
وإنتم هوامش
جنبنا
إحنا هنا
إحنا هنا
أزعجتنا
ياعم دور ماتلاقيش
كلامكوا كتير
وفعل مفيش
وفى النهاية كله يقول
إحنا هنا
إحنا هنا
والله برضوا إحنا كتير
وياما قولناها كتير
أكتر من حبات
المطر
وأكتر من أوراق
الشجر
أكتر من الموت بالحياه
إحنا هنا
لو بس مرة تسمعونا
كانت هتفرق يوم كتير
عشان حقيقة الصورة
أصلاً واضحة فينا
معلمه
فى كل واحد
مننا
إحنا هنا
إحنا هنا
شاعر إستثنائى
أحمد هادى
ليست هناك تعليقات:
إرسال تعليق