( لو إشتهيت أكتبك )
لو جيت فى حٌسنك أشتهى
تفتكرى إنتى
راح أكتب إيه
أصل المشاعر
مش حاجة سهلة
تتكتب
ديه كتير
فنون
……….
بس المهم
إن المشاعر حاجة حلوة
بيها المثل راح ينضرب
منها القصيدة تتنظم
فيها الحروف ممكن
تثور
علي ضوء شموع ليلة
جميلة تنحكى
وتشد إعجاب
الحضور
……….
أصل الحضور
هٌما ملامح ضحتك
هٌما الصفا من
بسمتك
هٌما محاسن الكلام
اللى إتنطق
من الشفايف
مع مٌصاحبة
ضحكتك
فى قلب همسة
أو حتى ضمة
أو
سكون
……….
لو جيت فى حٌسنك أشتهى
تفتكرى إنتى
راح أكتب إيه
طيب بلاش كل الكلام
كل الحروف
كل حكايات
الغرام
……….
خلينى أسرح
فى العيون
وسبينى أوصف سحرها
اللي بنظرة واحدة منها
هتخلى قلبى اللى إنجرح
من تانى يضحك للحياة
ويٌصبح
حنون
……….
لو جيت فى حٌسنك أشتهى
تفتكرى إنتى
راح أكتب إيه
هكتب ملامح كل دقة
وكل رقة
وهحكى مشاعرنا فى
سكون
……….
شاعر إستثنائى
أحمد هادى
ليست هناك تعليقات:
إرسال تعليق