نور الدين سعد
قصيدة جديدة بعنوان النهاية
مساء يوم السبت 13/8/2016
النهاية
لما تالفي كل يوم الف حكاية
لما تلعني كل ساعة في البداية
ولما ايدك ترفض ايدي
لما للسؤال تعيدي
وتطعنيني من ورايا
يبقى هي دي النهاية
.
بس الحكاية
مش انزل من كرامتي
ولا اشكي تاني
الحكاية
حته غشيمة ف قلبي
مش عيزاني
خديها معاكي
وفي طريق الغدر ارميها
او بجاز ولعي فيها
احسن ما تحكم عليا
اني ارجع ليكي تاني
لو حتى مفيش نهاية
.
يا خاينة كل العهود
يا ارض ما فيكي جود
يا اصل علم الجحود
ملكيش مكان معايا
.
ابكي تاني اشكي تاني
لا انتى سد همومي وجرحي
ولا سبب السعادة وفرحي
ولا انا السلطان الأسواني
ولا انتي عروس البحر يا سمرة
ولا انا العاشق الاسكندراني
.
والنهاية
الف حب والف داب
والف غيري شاف عذاب
اللي كان واللي عاش
واللي عمل غيره مداس
وكله فارق
.
حد قلك
اني بعدك بشرب بسكر
ان لأمر في كل حاجة
وانتي وحدك بس السكر
واني خلاص غيرت القبلة
وبقف قدام تمثالك
ولا غيروا التاريخ
وكتبوا أول من فارق
.
قولي كل الرجالة خانوا
كلهم اصلا كلاب
اقفلي في وش اخوكي وش ابوكي
الف باب
.
ولما متلقيش حد يسمع
حد من الكدب يدمع
اعملي لروحك سرداب
ماكسي كل الإعلام
خوني عهود السلام
ولما تلاقي الكل نام
ارفعي لروحك راية
واكتبي عليها بدمي
ان حبي هو همي
وان عشقك كان نهاية
ليست هناك تعليقات:
إرسال تعليق