حد يفهّمني فيه ايه
تفجير. تدمير. خراب
الكره والحقد ده ليه
وليه العقل غاب
و لسّه ايه تاني مخبّيه
بااسود القلب والفكر ضباب
اشمعني يعني اخترت حنّا
تقهر ف أهله وتحزنّا
ميشيل ده من اغلي جيرانّا
واحنا فى وطنّا
ايد واحدة
جاي بحقدك تسوّد نهارنا
واحنا عمرنا مع بعض ما زعلنا
واعذاره هي اعذارنا
واوجاعه هي اوجاعنا
نزوره في اعياده
بيزورنا في اعيادنا
ايه الذنب اللي جناه
وهو ف يوم صلاة
تدخل باجرامك
اكيد الشيطان سلطانك
وعنوانك
خسّه ونداله
لا عشت ولا كنت
ياكلب زمانك
يااعمي القلب
ياعديم النظر
مصر الله حارسها
من كل خطر
طول ماانا ونيفين
في حبنّا صادقين
عايشين
في حضن مصر
من نيلها شاربين
وف حضنها الغاليه
ضمّانا ف حنين
زي ما قال رب العالمين
ادخلوها امنيين
وانتم ياجهّال موتوا بغيظكم
مصر بس للمصريين
كلماتي/صباح عبدالدايم ابوالنور
13/12/2016
ليست هناك تعليقات:
إرسال تعليق