السلام
يا اللي ماسكين الزمام
الشعوب عايزة السلام
الحروب قتل وخراب
والعواقب مش تمام
انتوا ليه عايزيين حروب
وبتقتلوا كل الشعوب
المهم تسيدوا انتوا
والبلاد تشوف هروب
الهروب من الجحيم
إغتصاب وعذاب أليم
والتشرد والضياع
ف الخيم كله يقيم
والوطن يبقي سراب
يبقي حفنة من تراب
والرجوع إليه عذاب
والطفولة تبقي تايهه
واللي جي مالهش فايدة
والأمل ملهوش ملامح
وطفولة تانية ف العز عايشة
قولوا مين المستفيد
احنا سادة مش عبيد
واللي بيوقع ما بيننا
الشيطان ده شيء أكيد
ارجعوا تاني لصوابكوا
من بلادنا شيلوا ايدكوا
السلام هننجيبه احنا
لما بإيدينا نزيلكوا
شاعر الوطن /آسر فاروق طرباي
ليست هناك تعليقات:
إرسال تعليق