تطفل بشياكه
يا واخد النت تسلايه
صح صح كده وركز ويايا
مش كل جنس حواء ناقصه
زيك ربايه
ولا علشان داخله النت
تبقي علي هواك وهوايا
ولا هي لكل الشباب هوايه
ياعم بصلك في مرايا
دايمكن لسه في بيتكم المشط
أسمه فلايه
يا واخد النت تسلايه مش من
صبحت عليها
ردت تقول دايبه في هوايا
عاملي صايع وزيك ما فيش
تبرشم وتشربلي في حشيش
ويمكن لابس بنطلون ولو
مؤاخذه لباس ما فيش
وواخدلي النت تسلايه
الله يخرب بيت أمك يا صين
يا لي مسكتي تليفونات للجربانين
وهما مايمتلكوش ولا مليم
ومن الأخلاق حتي محرومين
وبأم التليفون يخبطوا شمال ويمين
ناس قاعده على النت 24 ساعه
وراضعه من صغرها النطاعه
وفاكره بنات الخلق ليهم بضاعه
وبقي عندهم التطفل صياعه
وهما عايشين فى مجاعه
يا واخد النت تسلايه
وتسرق كلام الغير وتقول الشعر
عندك هوايه
متعرفش أنك حرامي وعديم
الربايه
يا عم فوق وكفياك ترمي نفسك
رمايه
الله يسامحك يا مارك لخبط
الحكايه
مالنا ومال الفيس كان مالها
لعبة الاستغمايه
الفيس كان شبكة تعارف بقي
للمتطفلين هوايه
كلمات أندرو فرج
22/1/2017
ليست هناك تعليقات:
إرسال تعليق