#غايب بقالويومين#عاميه.بقلمى
/إسماعيل مصطفى موسى.المحامى والشاعر.بلبيس
.شرقيه.مصر....مصر
غاب عنى
بقاله يومين
مشتاق له
بشوق وحنين
ده حبيبى
وضى العين
راح فين
والفيس بقه شين
من غيره
عشت حزين
ودموع العين
نازلين
وبتجرى على الخدين
**********
يا قمرنا
وفين ألاقيه
وأنا قلبى
عليه بأنين
باكى وبكايا
حزين
مش عارف
اشكى لمين
والشكوى نار
فى جبين
قايده
وعلينا بتهين
كهربه قاطعه
وسجين
تليفونه مارد
حنين
ولا كلمه
تقول انا فين
مسجون زيه
وحزين
عايز أبكى
بصوت وأنين
وأنا قلبى
ضعيف مسكين
مسجون
والسجن حزين
د حبيبى
بقالو يومين
غايب
عن قلبى وعين
والغيبه
ضلام فى العين
******
يانجوم السما
دلونى
د حبيبى فى القلب
عيونى
غايب
والغيبه جنونى
وأنا دمعى
زاد فى جفونى
وأنا صوتى
راح مع بوحى
وجراحى
زادت مع نوحى
دلونى عليه
دلونى
د حبيبى
حياته ف روحى
وأنا روحه
وهوه روحى
******
يا عم يا بحار
قولى الحكايه إيه
الناس تيجى وتروح
وحبيبى غايب
بقه ليه
تليفونه ما رد سؤال
وجوابه ماجاش بقه ليه
وأنا راسى بقت موال
ولسانى سكت من إيه
وأنا قلبى تعب من حال
والعقل شغلنى عليه
وعنيا شافت أهوال
من وجدى وشوقى إليه
وظنونى بقت ع البال
وشيطانى قلقنى عليه
ما تقولى يا صياد
أصل الحكايه إيه
الموج فى بحر الشوق
عالى وشديد كده ليه
وحبيبى غاب من شوق
والعشق جراله إيه
مايكونشى هجرني بذوق
وسابنى أعيش لياليه
أبكى عليه من شوق
وبكايا يفيد بقه إيه
واللا اتحسد من روق
حاسد حسود كان بيه
مجدافى كان فيه طوق
مربوط بعشق وتيه
والبحر كان فيه روق
جت العكارة بقه فيه
ما تقولى يا صياد
راسى جرالها إيه
الفكر كان الشوق
والعقل تهت انا فيه
غايب بقالو يومين
تليفونه ما ردش ليه
د هوه ضى العين
واحنا جوارى حواليه
والبحر كان العين
والموج سألنى عليه
غايب بقالو يومين
والسحر كان فى العين
حبيب وغاب له يومين
وأنا شعرى كله ليه
كاتب كتابى عليه
امتى يرد جواب
ويكون الجواب من فيه
غايب بقالو يومين
وروحى تسكن فيه
#غايب بقالويومين#عاميه.بقلمى
/إسماعيل مصطفى موسى.المحامى والشاعر.بلبيس
.شرقيه.مصر...
ليست هناك تعليقات:
إرسال تعليق