قصيدة قوت، الغلابه
........................
قوت، الغلابه اتسرق
اخدوه ديابه، لصوص
ملحط بطينه اتعجن
كان للفقير دا غموس
وجوا الكبار سرهم،
فيهم بيكون مدفوس
شرعواالخراب للبلد
بصمولنا علي المنصوص
سكن الجحود قلبهم
بين الضلوع مرصوص
الجاه شافوه حلمهم
عفريت وبيه ملبوس
منهم عديم الكرامه
كان للايادي يبوس
الخير وبان عندهم
بنك ومالوه بفلوس
الناس تشوف عزهم
كتير وبقي ملموس
وعربيه دفع رباعي
ماشيه علينا تدوس
تجري بسرعة برق
بنزينها ليه مخصوص
شاف الفقير اتلوح
تحت العجل مهروس
ميل عليه بصله
قاله اكيد مدسوس
وصل البلاغ عندهم
محضر وكان مدروس
باتت قضيه، فشنك
عدت، عليه بكابوس
دنيا وفيها العجب
مشت الرجال بلبوص
ليه نرضي باالتكتب
علي الايد نوطي نبوس
قوت، الغلابه اتسرق
اخدوه ديابه لصوص
....................
كلماتي جمال زياد
ليست هناك تعليقات:
إرسال تعليق