...خالد الجمل...
لو بتكرهيني حبيكي
ومهما تحرميني اديكي
بس اامريني ياغاليه
بروحي وعمري افديكي
انا راضع حنان طينك
انا كلي فدا جبينك
انا عشقك ياحورية
لو الهبل كرهينك
لكي هيبه ومحفوظه
بولادك يا محظوظه
والي يكرهك يعمى
وتبقي عيونه متصوصه
يااغلا ماليا وعنيه
ياكل الكل ياهديه
من رب السما العالي
روحي نيلك ياجمريه
الي بناكي حلواني
ياام الكل ياجناني
انا الفلاح في بستاني
اقطف ورد واديكي
يسهر الليل والقمرة
يازهر الفل والثمرة
ياشمس اصيل في غروبها
بلونها الدهبي والخمره
بتسكر عيني لو اشوفها
واتمايل علي ضفوفها
ويطير قلبي لكسوفها
واعفر عدوها عفره
واخرم عينه لو حافها
ماهي الضي والنني
امال اية الي جنني
اصل في حبها هايم
ومين م الحب يحرمني
اتغرب واعود ليها
ياخدني الشوق وداديها
وجوه حضني ادفيها
واخاف م البرد يلحفها
وكفاية روحي تحميها
دا اغلا اسم ف وجودي
وروح الروح وورودي
وانا غايب بعيد عنها
بيتوه عقلي فشرودي
بتمنا اكون منصور
انور في طريقها النور
ولاعتمه تضلمها
علي شنها اعدي بحور
اجيب لها ماس م الغالي
واللضم نجمها العالي
وتاجها يكون لولي ومرجان
وافديها بعزيز غالي
وافديها بعزيز غالي
...خالد الجمل...
ليست هناك تعليقات:
إرسال تعليق