(القدس)
رغم النار والحواجز
عمري ما هكون عاجز
وحالف لأتحدى الكون
الظلم بيزيد جايز
الحق دايما فايز
وحياتي عشانه تهون
مهما يبنو السدود
القدس اكيد هتعود
يا رب انصرنا ع اللي ظلمنا
وعايز بالباطل يكسرنا
مستحيل ده يكون قدرنا
والمؤمن بالنصر موعود
مهما طال بنا الزمان
هنهزم جنود الشيطان
كفيانا عتاب ولوم
لازم ننصف المظلوم
والظالم يجيلو يوم
يدوق العذاب والهوان
مهما طالت بينا السنين
القدس راجعه لفلسطين
لامتى هنفضل نستنى
ونحلم كتير ونتمنى
بأدينا نحقق املنا
ونفرح كل قلب حزين
(تم تسجيلها بالمصنفات الفنيه)
بقلم ياسر احمد
ليست هناك تعليقات:
إرسال تعليق