فيك كل البيبان مقفوله
والقلوب ياه اكلها الصدا
الدمع في كلمه وصوره
وحزنك يا دنيا ما انتهى
الجراح آه فيك مقصوده
من اول العمر ما ابتدى
والآهات علينا مفروضه
زيها زي فروض الصلاه
هي روحنا ملهاش توبه
اد ما طلعنا عليها زكاه
الذنوب فيك محصوره
لأي حد بكى واشتكى
عشنا فيك بود وطيبه
لقينا فيك غدر وأسا
من صحبه ومن جيره
والقلب مالاهل اتكوى
عارفك يا دنيا غروره
مهما يكون ليك صدى
و المحبه فيك مفقوده
شعلقتينا بحبال الهوى
ولناس يا دينا مدوده
قلوبها ياه اكلها الصدا
بيك دايما مغشوشه
بكره تدور على دوا
تلقا البيبان مقفوله
والجرح ليها ابتدى
فاكره بيك مسنوده
ناسيه إن أخرك فنا
أخرك يا دنيا صوره
حزنك فيها ما إنتهى
كلمات
مجدي فرحات
ليست هناك تعليقات:
إرسال تعليق